நேற்று காலை முதல் வானம் மேகமூட்டத்துடன், மந்தமாக இருந்து வந்தது. இந்நிலையில் மாலை, 4:20 மணிக்கு ஏற்காடு மற்றும் சுற்று பகுதி முழுவதும் இடி மின்னலுடன் கூடிய கனமழை, 6:15 மணி வரை கொட்டி தீர்த்தது. தொடர்ந்து கனமழை குறைந்து சாரல் மழையாக இரவு 7:55 மணி வரை பெய்தது. இதனால், ஏற்காட்டில் குளிரின் தாக்கம் அதிகரித்துள்ளது.

* ஆத்துார் சுற்றுவட்டார பகுதிகளில் நேற்று முன்தினம் மாலை, 6:00 முதல், இரவு, 8:00 மணி வரை மழை பெய்தது. இந்நிலையில் நேற்று மாலை, 6:00 முதல், இரவு, 7:00 மணி வரை, மழை பெய்தது. இதனால் சாலை, தெருக்களில் மழை நீர் ஓடியது.

* வாழப்பாடி, அயோத்தியாப்பட்டணம், மேட்டுப்பட்டி, கருமந்துறை, ஏத்தாப்பூர் உள்ளிட்ட சுற்று வட்டார பகுதிகளில் நேற்று மாலை, 5:00 மணிக்கு திடீரென கருமேகங்கள் சூழ்ந்து கனமழை பெய்தது. இதனால் நெடுஞ்சாலைகளில் தண்ணீர் பெருக்கெடுத்து ஓடியது. கனமழை காரணமாக, ஒரு மணி நேரத்திற்கு மேல் மின்தடை ஏற்பட்டது. தொடர் மழையால் மக்கள், விவசாயிகள் மகிழ்ச்சி அடைந்துள்ளனர்.