மகுடஞ்சாவடி: இளம்பிள்ளை அருகே சித்தர்கோவிலில், 7 நாழிக்கிணறு, ஒரு பெண்கள் குளம் உள்ளது. ஆனால் அந்த குளம், சில ஆண்டுகளாகவே பூட்டப்பட்டுள்ளதால், அங்கு வரும் பெண் பக்தர்கள் திறந்த வெளியில் உள்ள கிணறுகளில் குளிக்கும் நிலை ஏற்படுகிறது. மேலும் குளத்தில் உள்ள நீர் வெளியேறும் பாதையும் அடைக்கப்பட்டுள்ளது. இதனால் குளத்தின் நீர் கெடுவதோடு, காளியம்மன் கோவில் அருகே உள்ள கிணற்றுக்கும் இந்த நீர் கசிந்து வருகிறது. இதனால் அங்கு குளிக்கும் பக்தர்களும் சிரமப்படுகின்றனர். அதனால் பெண்கள் குளத்தில் உள்ள தண்ணீர் வெளியேறவும், சில ஆண்டுகளாக பூட்டியுள்ள பெண்கள் குளத்தின் கேட்டை திறந்து, பயன்பாட்டுக்கு கொண்டு வர, அதிகாரிகள் நடவடிக்கை எடுக்க வேண்டும்.