இதில் கம்மாளப்பட்டி, தும்பல்பட்டி, ஜல்லுாத்துப்பட்டி, அடிமலைப்பட்டி, குரால்நத்தம், திப்பம்பட்டி, பனமரத்துப்பட்டி உள்ளிட்ட கிராமங்கள் மலை அடிவார பகுதியில் அமைந்துள்ளன. சில நாட்களாக புயல் மழையால், குளிர் காற்று வீசியது. மழை நின்ற பின், பனி கொட்ட தொடங்கியுள்ளது.

மாலை, 5:00 முதல் காலை 8:00 மணி வரையில் பனிப்பொழிவு அதிகமாக உள்ளது. இதனால் அதிகாலையில் அரளி மொக்கு பறிக்க தொழிலாளர்கள் செல்வதில்லை. வருவாய் இழக்கும் சூழல் ஏற்படுகிறது. கூலியை நம்பி உள்ள தொழிலாளர்கள் பனியில் மொக்கு பறிக்க செல்கின்றனர். அவர்கள் சளி, இருமல், தலைபாரம், காய்ச்சல் ஆகியவற்றால் பாதிக்கின்றனர். மார்கழி, தை முழுதும் பனிப்பொழிவு இருக்கும் என்பதால், தொழிலாளர்கள் சிரமத்துக்கு ஆளாகியுள்ளனர்.