சேலம், சேலம் உணவு பொருள் கடத்தல் தடுப்பு பிரிவு போலீசார், ஜலகண்டாபுரத்தில் நேற்று சோதனை மேற்கொண்டனர். அப்போது சூரப்பள்ளி, காட்டம்பட்டியில் உள்ள ஒரு வீட்டில் ஏராளமான சிலிண்டர்கள் இருந்தன. விசாரணையில், அந்த வீட்டில் வசிக்கும் பெருமாள், 41, என்பவர், மானிய விலையில் வாங்கும் மக்களிடம் சிலிண்டர்களை விலைக்கு வாங்கி பதுக்கி வைத்து கூடுதல் விலைக்கு விற்றது தெரிந்தது.