மானாமதுரையில் வியாழக்கிழமை நடைபெறும் வாரச்சந்தையில் மதுரை, திருப்புவனம், திருப்பாச்சேத்தி, சிவகங்கை, இளையான்குடி, பரமக்குடி உள்ளிட்ட பல்வேறு ஊர்களிலிருந்து பல்வேறு வகையான பொருட்களை வியாபாரிகள் விற்பனை செய்து வருகின்றனர். இந்த வாரம் சின்ன பாகற்காய் விலை உச்சம் தொட்டு ஒரு கிலோ ரூ.320க்கு விற்பனை செய்யப்பட்ட நிலையில் மற்ற காய்கறிகள் விலை குறைந்து விற்பனை செய்யப்பட்டது.

தக்காளி: 1கிலோ ரூ.25,சின்ன வெங்காயம் ரூ.35,பல்லாரி வெங்காயம் ரூ.50க்கு விற்கப்பட்டது.அதேபோன்று கடந்த வாரம் கூடுதல் விலைக்கு விற்பனை செய்யப்பட்ட பட்டர் பீன்ஸ்,சோயா பீன்ஸ் இந்த வாரம் ஒரு கிலோ ரூ. 180க்கும், இஞ்சி ரூ.200க்கும், உருளைக்கிழங்கு ரூ.70க்கும்,பேபி உருளைக்கிழங்கு 40க்கும், கத்தரிக்காய் ரூ.60க்கும், பீட்ரூட், கேரட் ரூ.60க்கும், அவரை ரூ.80க்கும், பச்சை மிளகாய் ரூ.60க்கும் விற்பனை செய்யப்பட்டது.

கடந்த சில வாரங்களாக மிக குறைந்த விலைக்கு விற்பனை செய்யப்பட்ட பச்சை மொச்சை கடந்த வாரம் ரூ.150க்கு விற்பனை செய்யப்பட்ட நிலையில் விலை குறைந்து இந்த வாரம் ரூ.80 க்கு விற்பனை செய்யப்பட்டது.