திருப்புத்துார்,ஜூன் 30-

கும்மங்குடி விவேகானந்தா பாலிடெக்னிக் கல்லுாரியில் முதலாமாண்டு, நேரடி இரண்டாமாண்டு வகுப்பு துவக்க விழா நடந்தது.

முதல்வர் கே.சசிக்குமார் வரவேற்றார். விவேகானந்தா கல்விக்குழுமத் தலைவர் எம்.சொக்கலிங்கம் தலைமை வகித்தார். பேச்சாளர் தி.அட்சயா லோகேஷ்குமார் பங்கேற்றார். விவேகானந்தா கல்வி அறக்கட்டளை இயககுனர் கே.ராஜகோபாலன், இயக்குநர் ஏ.உருமநாதன், அறங்காவலர் பிரசன்னா வாழ்த்தினர்.

பேராசிரியர் ஆரோக்கியராஜ், விவேகானந்தா குளோபல் நர்சிங் கல்லூரி முதல்வர் மாலதி, துணை முதல்வர் சோபியாராணி மற்றும் பேராசிரியர்கள்,மாணவர்கள்,பெற்றோர்கள் பங்கேற்றனர். முதல் மதிப்பெண் பெற்றவர்களுக்கு விருது வழங்கி கெளரவிக்கப்பட்டனர். மெக்கட்ரானிக்ஸ் துறைத் தலைவர் கே.சுபாகர் நன்றி கூறினார்.