சட்டசபையில் எம்.எல்.ஏ., வைத்த கோரிக்கைபடி காரைக்குடியில் மினி ஸ்டேடியம் கட்டப்படும் என அறிவித்தனர். அதன்படி சங்கராபுரம் ஊராட்சி என்.ஜி.ஓ., காலனியில் ரூ.3 கோடியில் மினி ஸ்டேடியம் கட்டும் பணி தொடங்கியது. கட்டுமான பணி துவங்கி, ஓராண்டிற்கு மேல் ஆகியும், ஸ்டேடியம் கட்டும் பணி முடிவுக்கு வராமல் இழுபறி நிலை நீடிக்கிறது. இதனால், விளையாட்டு வீரர்கள் உரிய பயிற்சி பெற முடியாமல் தவித்து வருகின்றனர்.

இது குறித்து என்.ஜி.ஓ., காலனி ஆதிஜெகநாதன் கூறியதாவது: கடந்த 11 ஆண்டாக இங்கு ஸ்டேடியம் அமைக்க கோரிக்கை வைத்து வந்தோம். இங்கு 7.5 ஏக்கரில் ரூ.3 கோடியில் ஸ்டேடியம் கட்டுவதற்காக கடந்த ஆண்டு அடிக்கல் நாட்டினர். ஆனால், இதுவரை பணிகள் முடிப்பதில் சுணக்கநிலை நீடித்து வருகிறது, என்றார்.

////