ஒரே இடத்தில் 10க்கும் மேற்பட்ட வண்டிகளில் கத்தரி, தக்காளி, வெங்காயம் என ஒலிபெருக்கியில் சத்தமாக கூவி விற்கின்றனர். இது அப்பகுதியில் கடை வைத்திருக்கும் வியாபாரிகளுக்கு மட்டுமில்லாமல் அவ்வழியாக நடந்து செல்லும் மக்களுக்கும் மன உளைச்சலை ஏற்படுத்துகிறது.

ஒரே குறிப்பிட்ட வாசகத்தை ஒரே இடத்தில் நின்று கொண்டு மணிக்கணக்கில் தொடர்ந்து ஒலிபரப்பும்போது அதை கேட்பவர்களுக்கு உளவியல் ரீதியான பாதிப்பு ஏற்படுகிறது. காய்கறி வண்டிகள் அதிகமாகும் சூழலில் போட்டி போட்டுக் கொண்டு சத்தத்தை அதிகப்படுத்தி வைத்துக்கொண்டு வருவோர் போவோரை வியாபாரிகள் கதறவிடுகிறார்கள்.

எனவே கடை வீதியில் ஒரே இடத்தில் நிறுத்தி வியாபாரம் செய்யும் வாகனங்களில் ஒலிப்பெருக்கி இல்லாமல் பார்த்துக்கொள்ள பேரூராட்சியும், போலீசார் நடவடிக்கை எடுக்க வேண்டும்.