சிவகங்கை சமஸ்தானம்தேவஸ்தானம் நிர்வாகத்திற்குட்பட்ட மானாமதுரை ஆனந்தவல்லி சோமநாதர் கோயிலில் வருடந்தோறும் சித்திரை திருவிழா தொடர்ந்து 10 நாட்கள் நடைபெறும்.

இந்த வருடத்திற்கான சித்திரை திருவிழா வருகிற ஏப்.14ம் தேதி ஞாயிற்றுக்கிழமை காலை 10:00 மணியிலிருந்து 10:30மணிக்குள் கொடியேற்றத்துடன் துவங்க உள்ளது.

விழாவின் முக்கிய நிகழ்ச்சியான திருக்கல்யாணம் ஏப்.21ம் தேதி ஞாயிற்றுக்கிழமை காலை 9:00 மணியிலிருந்து 10:30 மணிக்குள்ளும், ஏப்ரல் 22ம் தேதி திங்கட்கிழமை காலை 10:00 மணிக்கு தேரோட்ட நிகழ்ச்சியும் நடைபெற உள்ளது.

ஏற்பாடுகளை தேவஸ்தான மேலாளர் இளங்கோ, கண்காணிப்பாளர் சீனிவாசன், பரம்பரை ஸ்தானீகர்கள் செய்து வருகின்றனர்.

சித்திரைத் திருவிழா துவங்க இன்னும் 2 வாரங்களே உள்ள நிலையில் மானாமதுரை நகராட்சி நிர்வாகம் சார்பில் ரூ.8 லட்சம் செலவில் வைகை ஆற்றை சீரமைக்கும் பணி நடைபெற்று வருகிறது.

இப்பணிகளை நகராட்சி தலைவர் மாரியப்பன்கென்னடி, துணைத்தலைவர் பாலசுந்தரம்,கமிஷனர் ரங்கநாயகி, பொறியாளர் சீமா பார்வையிட்டு வருகின்றனர்.