ஆனி மூல நட்சத்திரத்தில் அருணகிரிநாதர் சுவாமி முக்தியடைந்த நாளன்று குரு பூஜை விழா ஆண்டுதோறும் முருக பக்தர்களால் கொண்டாடப்படுவது வழக்கம். இதனை முன்னிட்டு வரகுணேஸ்வரர் கோயிலில்உள்ள முருகப்பெருமானுக்கு அபிஷேக, ஆராதனை,அஸ்டோத்திர நாமாவளி பூஜை ஜூன் 22ம் தேதி காலை 10:00 மணிக்கு நடைபெற உள்ளது.

அதனைத் தொடர்ந்து அன்று மாலை 5:00 மணிக்கு அருணகிரிநாதர்மற்றும் கிருபானந்த வாரியார் மற்றும் முருகேச சுவாமிகள் ஆகியோரின் படம் கோயிலிலிருந்து புறப்பட்டு திருவீதி ஊர்வலம் திருப்புகழ் பாராயணத்துடன் நடைபெற உள்ளது.மறுநாள் 23ம்தேதி திருவாசக முற்றோதல் நிகழ்ச்சி நடைபெற உள்ளது.

ஏற்பாடுகளை சாலைக்கிராமம் அருணகிரிநாதர் பக்த சபை,திருச்செந்துார் பாதயாத்திரை குழு, இளையான்குடி மாற நாயனார் அடியார் திருக்கூட்டத்தினர் செய்து வருகின்றனர்.