மகிபாலன்பட்டி பூங்குன்றநாயகி அம்மன் கோயிலில் சித்ரா பவுர்ணமியை முன்னிட்டு பூச்சொரிதல் விழா நடைபெறும். விழாவை முன்னிட்டு நேற்று காலை மஞ்சுவிரட்டு நடந்தது.

காலை 10:45 மணிக்கு தொழுவிலிருந்து 350 காளைகள் அவிழ்க்கப்பட்டன.

தொழுவிற்கு வெளியே நுாற்றுக்கணக்கான காளைகள் கட்டுமாடுகளாக அவிழ்க்கப்பட்டன. சிவகங்கை, புதுக்கோட்டை, மதுரை, திருச்சி உள்ளிட்ட பல மாவட்டங்களிலிருந்து காளைகள் பங்கேற்றன. 150 மாடு பிடிவீரர்கள் பங்கேற்றனர். காளைகள் முட்டியதில் 37 பேர் காயமடைந்தனர். அதில் 4 பேர் மேல்சிகிச்சைக்கு பொன்னமராவதி அரசு மருத்துவமனைக்கு அனுப்பப்பட்டனர்.

காளைகளை அடக்கிய வீரர்களுக்கும், பிடிபடாத காளைகளுக்கும் பரிசுகள் வழங்கப்பட்டன.