திருப்புத்துார்

நின்ற நாராயணப் பெருமாள் கோயிலில் ராம நவமி உத்ஸவம் நடந்தது.

இக்கோயிலில் ஆண்டுதோறும் ராமநவமி உத்ஸவம் கொண்டாடப்படும். நேற்று காலை 10:30 மணிக்கு பட்டாச்சார்யார்களால் சிறப்பு நாம கீர்த்தனை மூலவர் ராமர், லெட்சுமணன், சீதை சன்னதியில் நடந்தது. சிறப்பு அலங்காரத்தில் எழுந்தருளி தீபாராதனை நடந்தது. ராம பஜனையில் பக்தர்கள் பங்கேற்றனர்.

சிங்கம்புணரி

தேத்தாங்காடு சாலையில் அரிவையூர் தெற்கு வளவு நகரத்தாருக்கு பாத்தியப்பட்ட ராமர் கோவிலில் ராம நவமி கொண்டாடப்பட்டது. இதையொட்டி நேற்று காலை 10:00 மணிக்கு மூலவரான சீதா, லட்சுமணன், அனுமன் சமேத ராமருக்கு பல்வேறு அபிஷேகம் செய்யப்பட்டு சிறப்பு வழிபாடு நடத்தப்பட்டது.

அலங்காரத்தில் சுவாமி காட்சி அளித்தார். மாலை 6:00 மணிக்கு சுவாமி வீதி உலா நடந்தது. ஏராளமான பக்தர்கள் பங்கேற்றனர்.