எம்.பி.பி.எஸ்., பி.டி.எஸ். போன்ற இளநிலை மருத்துவ படிப்புகளுக்கான மாணவர் சேர்க்கை நாடு முழுவதும் நீட் நுழைவுத்தேர்வின் அடிப்படையில் நடத்தப்படுகிறது. இந்த தேர்வை தேசிய தேர்வு முகமை நடத்தி வருகிறது. 2025--26ம் கல்வியாண்டு மருத்துவ படிப்பு மாணவர் சேர்க்கைக்கான நீட் நுழைவுத்தேர்வு வருகிற மே 4 ஆம் தேதி நடைபெறுகிறது. இதற்கான ஆன்லைன் விண்ணப்ப பதிவுபிப்.7 ஆம் தேதி தொடங்கியது.

நீட் தேர்வுக்கு விண்ணப்பிப்பதற்கான கால அவகாசம் இன்று இரவு 11:50 மணியுடன் நிறைவடைகிறது. தேர்வர்கள் https://neet.nta.nic.inஎன்ற இணையதளத்தில் நீட் தேர்வுக்கு விண்ணப்பிக்கலாம். தேர்வுக்கு விண்ணப்பித்த மாணவர்கள் அதில் திருத்தங்கள் மேற்கொள்ள வருகிற மார்ச் 9, 10 மற்றும் 11 ஆகிய தேதிகளில் வாய்ப்பு வழங்கப்படும். மாணவர்களுக்கு ஒதுக்கீடு செய்யப்பட்ட தேர்வு மையங்கள் குறித்த விவரங்கள் ஏப். 26 ஆம் தேதியும். தேர்வுக்கான ஹால்டிக்கெட் வருகிற மே 1 ஆம் தேதியும் வெளியிடப்படப்படும்.