கிராமங்களில் பொதுமக்கள் பயன்பாட்டிற்காக ஒவ்வொரு ஊரிலும் நிழற்குடை அமைக்கப்பட்டுள்ளது. பழையனுார் அருகே ஆனைகுளம் மற்றும் மேலசொரிக்குளத்தில் 25 ஆண்டுகளுக்கு முன் கட்டப்பட்ட நிழற்குடை சமீபத்திய மழையால் சேதமடைந்தது.

திருப்புவனம் ஒன்றியத்தில் உள்ள 100க்கும் மேற்பட்ட கிராமங்களில் நிழற்குடை சேதமடைந்த நிலையில் பொதுமக்களும், மாணவ, மாணவியரும் அருகில் உள்ள வீடுகள், கடைகளில் ஒதுங்கி நிற்க வேண்டியுள்ளது.

கடந்த சில ஆண்டுகளாக கிராமப்புறங்களில்புதிய நிழற்குடைகள் அமைக்கப்படவே இல்லை. அடுத்து வடகிழக்கு பருவமழை தொடங்க உள்ள நிலையில் சேதமடைந்த நிழற்குடைகளை அகற்றி விட்டு புதிய நிழற்குடை அமைக்க மாவட்ட நிர்வாகம் நடவடிக்கை எடுக்க வேண்டும் என கிராமமக்கள் வலியுறுத்தியுள்ளனர்.