விழாவிற்கு கலெக்டர் ஆஷா அஜித் தலைமை வகித்தார். வட்டார போக்குவரத்து அலுவலர் கருப்பணன் வரவேற்றார். எம்.எல்.ஏ., தமிழரசி, திருப்புவனம் பேரூராட்சி தலைவர் சேங்கைமாறன், உதவி இயக்குனர் (ஊராட்சிகள்) கேசவதாசன், நகராட்சி தலைவர் துரைஆனந்த், காரைக்குடி போக்குவரத்து ஆய்வாளர் அனிதா, நகராட்சி கவுன்சிலர்கள் ஜெயகாந்தன், அயூப்கான் பங்கேற்றனர்.

கலெக்டர் பேசியதாவது:

மாவட்ட அளவில் 40 வழித்தடங்களில் 50 மினி பஸ்களை இயக்கி கொள்ள அனுமதி வழங்கப்பட உள்ளது. முதற்கட்டமாக 11 மினி பஸ்கள் இயக்க அனுமதித்துள்ளோம். படிப்படியாக அனைத்து மினிபஸ்களுக்கும் அனுமதி வழங்கப்படும்.

இந்த மினி பஸ்கள் 26 கி.மீ., துாரம் வரை செல்ல அனுமதிக்கப்படும். குறைந்த பட்சம் ரூ.4 முதல் அதிகபட்ச கட்டணமாக ரூ.11 வரை மட்டுமே வசூலிக்க வேண்டும். இதன் மூலம் கிராமப்புற மக்களின் பஸ் போக்குவரத்து பிரச்னைக்கு தீர்வு கிடைக்கும் என்றார்.

வட்டார போக்குவரத்து அலுவலக கண்காணிப்பாளர் தீரேந்திரபூபதி நன்றி கூறினார்.