சிவகங்கை நேருபஜார், மஜித்ரோடு, உழவர் சந்தை, வாரச்சந்தை ரோடு உட்பட பல பகுதிகளில் கும்பலாக திரியும் நாய்கள் டூவீலரில் செல்பவர்களை விரட்டி கடிக்கின்றன.

நாய்க்கடிக்கு ஆளான பலர் சிவகங்கை அரசு மருத்துவக் கல்லுாரிக்கு சென்று தடுப்பூசி போட்டு வருகின்றனர்.

நேற்று மாலை 6:00 மணி முதல் 9:00 மணிக்குள் அண்ணாமலை நகர் பாப்பா 60, நேருபஜார் பீர் முகமது 35, மதுரை மணி 39, முத்துநகர் ஸ்ரீராம் 28, தொண்டி ரோடு ராம்மோகன் 52, அண்ணாமலை நகர் கோவிந்தன் 69,செந்தமிழ்நகர் முனீஸ்வரி 25 உள்ளிட்ட 7 பேர் நாய் கடிபட்டு மருத்துவமனைக்கு சிகிச்சைக்கு வந்தனர்.

நகரில் நாளுக்கு நாள் தெருநாய்களின் எண்ணிக்கை அதிகரித்துள்ளது. மாவட்ட நிர்வாகம் அதிகரித்துவரும் தெரு நாய்களை கட்டுப்படுத்த நடவடிக்கை எடுக்க வேண்டும்.