கீழடியில் 2600 ஆண்டுகளுக்கு முன் வாழ்ந்த மக்கள் பயன்படுத்திய 13 ஆயிரத்து 484 பொருட்கள் ஆறு கட்டட தொகுதிகளில் காட்சிப்படுத்தப்பட்டுள்ளன. நேற்று மாலை 4:00 மணிக்கு அருங்காட்சியகம் வந்த சிவகார்த்திகேயன் ஆறு கட்டட தொகுதிகளிலும் காட்சிப்படுத்தப்பட்ட பொருட்களை பார்வையிட்டார். பொருட்கள் குறித்து கீழடி அகழாய்வு தள இணை இயக்குனர் அஜய் விளக்கமளித்தார். அருங்காட்சியகத்தில் பண்டைய கால பொருட்கள் குறித்த புடைப்புச் சிற்பங்கள் வரையப்பட்டுள்ளன. அவற்றின் முன் நின்று குடும்பத்துடன் புகைப்படம் எடுத்து கொண்டார்.