திருமயம்- மானாமதுரை தேசிய நெடுஞ்சாலையில் திருப்புத்துார் நகருக்கு வெளியே புறவழிச்சாலை செல்கிறது. புதுக்கோட்டை, காரைக்குடி, கண்டரமாணிக்கம், திருக்கோஷ்டியூர் ரோடுகள்சந்திக்கின்றன. இந்த சந்திப்புக்களில் உயர் கோபுர மின்விளக்கு பொருத்தப்பட்டுள்ளது. இவை தொடர்ந்து எரிவதில்லை.

பல முறை புகார் தெரிவிக்கப்பட்டும் தாமதமாகவே நடவடிக்கை எடுக்கப்படுகிறது. கடந்த 3 மாதங்களாக என்.புதுார் சந்திப்பில் மின்விளக்கு எரியவில்லை. வாகனங்கள் எந்த சாலையில் செல்வது என்ற குழப்பம் காணப்படுகிறது.

இந்த சந்திப்புக்களில் உயர்கோபுர மின் விளக்கு எரிவதை தினசரி உறுதி செய்ய தேசிய நெடுஞ்சாலை ஆணையத்தினர் தொடர் கண்காணிப்பில் இருக்க வாகன ஓட்டுனர்கள் கோரியுள்ளனர்.