சிவகங்கை:சிவகங்கை மாவட்டத்தில், 50 நெல் கொள்முதல் நிலையங்கள் செயல்படுகின்றன. மேலும், 30 கொள்முதல் நிலையங்களை திறக்க மாவட்ட நிர்வாகம் திட்டமிட்டுள்ளது. விவசாயிகள் தரும் நெல்லை காய வைத்து, துாசி தட்டி, மூட்டை அடுக்கி, லாரியில் ஏற்றும் வரை 40 கிலோ மூட்டைக்கு, 12 ரூபாய் வரை லோடுமேன்களுக்கு சம்பளமாக நுகர்பொருள் வாணிப கழகம் வழங்குகிறது. இதற்கு மேல், விவசாயிகளிடம், 1 ரூபாய் கூட வாங்கக் கூடாது என, கண்டிப்பான உத்தரவு அமலில் உள்ளது.