மதுரை : சிவகங்கை மாவட்டம் காளையார்கோவில் அருகே சிறுசெங்குளிப்பட்டி பெருமாள். உயர்நீதிமன்ற மதுரைக் கிளையில் தாக்கல் செய்த பொதுநல மனு: முத்துாரில் குறிப்பிட்ட சர்வே எண்ணிலுள்ள நிலத்தில் கிராவல் மண் குவாரி நடத்தப்படுகிறது. அனுமதிக்கப்பட்ட அளவை விட அதிக ஆழத்தில் மண் அள்ளப்படுகிறது. மண் ஏற்றிச்செல்லும் லாரிகளால் ஊராட்சி ரோடு சேதமடைகிறது. குவாரியால் அருகிலுள்ள கண்மாய், இதர நிலத்திற்கு பாதிப்பு ஏற்படுகிறது. குவாரி பள்ளத்தில் மழை நீர் தேங்கினால் மனிதர்கள், விலங்குகள் மூழ்கி பலியாக வாய்ப்புள்ளது.