இக்கோயிலின் பங்குனித்திருவிழா ஏப். 8 ம் தேதி காப்பு கட்டுதல் பூச்சொரிதலுடன் தொடங்கியது. 9 நாள் மண்டகப்படியாக அம்மனுக்கு தினமும் சிறப்பு அபிஷேகம் வழிபாடு நடத்தப்பட்டது. நேற்று காலை 9:00 மணிக்கு பக்தர்கள் பால்குடம் எடுத்து வந்து அம்மனுக்கு பாலாபிஷேகம் செய்தனர்.

மாலை 5:00 மணிக்கு அலகு குத்தியும், அக்னிச்சட்டி எடுத்தும் நேர்த்திக் கடன் செலுத்தினர். பெண்கள் முளைப்பாரி, எடுத்தும் மாவிளக்கு வைத்தும் வழிபாடு நடத்தினர். இன்று அம்மனுக்கு பொங்கல் வழிபாடு நடக்கிறது. ஏற்பாடுகளை சிங்கம்புணரி நாடார்கள் உறவின் முறையினர் செய்து வருகின்றனர்.