குன்றக்குடி சண்முகநாதப் பெருமான் கோயில் பங்குனி உத்திர திருவிழா ஏப்.1ம் தேதி அனுக்ஞை, விக்னேஸ்வர பூஜை,கொடியேற்றத்துடன் துவங்கியது.

தினமும் இரவு 8:00 மணிக்கு சண்முகநாத பெருமான் வள்ளி, தெய்வானையுடன் வீதி உலா வரும் நிகழ்ச்சி நடந்தது. தொடர்ந்து, திருக்கல்யாணம், பூப்பல்லக்கு, தெப்பத் திருவிழா நடந்தது, முக்கியத் திருவிழாவான தேரோட்டம் நேற்று நடந்தது. காலை 5:30 மணிக்கு தேருக்கு சுவாமி எழுந்தருளல் நிகழ்ச்சியும் மாலை 4:50 மணிக்கு தேரோட்டமும் நடந்தது.

இன்று தீர்த்தவாரியும், இரவு மயிலாடும்பாறையில் சுவாமி எழுந்தருளும் நிகழ்ச்சி நடைபெறுகிறது. விழா ஏற்பாடுகளை குன்றக்குடி பொன்னம்பல அடிகள் தலைமையில் விழாக்குழுவினர் செய்து வருகின்றனர்.