தேவகோட்டை: தேவகோட்டையிலும் சுற்றுப்புற பகுதிகளிலும் நேற்று முன்தினம் இரவு 11:00 மணியளவில் மழை பெய்ய தொடங்கியது. விடிய விடிய மழை பெய்து கொண்டே இருந்தது. காலை 10:00 மணி வரை இதே நிலை இருந்தது. 21 மாவட்டங்களில் பள்ளிகளுக்கு விடுமுறை விடப்பட்ட நிலையில் மழை பெய்து கொண்டே இருந்த சிவகங்கை மாவட்டத்திற்கும் விடுமுறை விடப்படும் என மாணவர்கள், பெற்றோர்கள் காலை 7:30 மணிவரை எதிர்பார்த்த நிலையில் மாவட்ட நிர்வாகம் விடுமுறை விடாததால் மாணவ மாணவியர் பள்ளிக்கு மழையில் நனைந்தபடியே சென்றனர்.