2023, செப்டம்பரில் கீழடி விலக்கில் கண்காணிப்பு கேமராக்களுடன் கூடிய போலீஸ் சோதனைச்சாவடியை ராமநாதபுரம் டி.ஐ.ஜி.,யாக இருந்த துரை திறந்து வைத்தார். நான்கு வழிச்சாலையை கடக்கும் வாகனங்கள், கீழடி விலக்கில் திரும்பும் வாகனங்கள் உள்ளிட்டவற்றை சோதனைச்சாவடியில் இருந்தவாறே கண்காணிக்க முடியும், சோதனைச்சாவடியில் போலீசார் ஓய்வு எடுக்கவும் அறை அமைக்கப்பட்டிருந்தது.

தற்போது அமைக்கப்பட்டு வரும் மேம்பாலத்திற்கு சோதனைச்சாவடி இடையூறாக இருப்பதால் இடித்து அகற்றப்பட்டு நான்கு வழிச்சாலையில் சிலைமான் அருகே அமைக்கப்பட உள்ளது. நவீன வசதிகளுடன் கட்டப்பட்ட புத்தம் புதிய கட்டடம் இரண்டே வருடங்களில் இடிக்கப்படுவது வேதனையை ஏற்படுத்தியுள்ளது.