இதை எதிர்த்து தேவி தாக்கல் செய்த மனுவை விசாரித்த உயர் நீதிமன்ற மதுரை கிளை, தேவியின் வெற்றி செல்லும் என தீர்ப்பளித்தது. இதைத் தொடர்ந்து, சங்கராபுரம் ஊராட்சி மன்ற தலைவராக அவர் பதவியேற்றார்.

இந்த உத்தரவை எதிர்த்து பிரியதர்ஷினி தரப்பில் தாக்கல் செய்த மனுவை விசாரித்த உச்ச நீதிமன்றம், மாவட்ட நீதிமன்றத்தை நாட உத்தரவிட்டது. நீதிமன்றம், பிரியதர்ஷினி வெற்றி பெற்றது செல்லும் என கடந்த அக்., 23ல் தீர்ப்பளித்தது. இதை உயர்நீதிமன்றமும் உறுதி செய்தது. தலைவராக பிரியதர்ஷினி பதவியேற்றார்.

உத்தரவை எதிர்த்து உச்ச நீதிமன்றத்தில் தேவி சமீபத்தில் மனு செய்தார். மனு விசாரணை நீதிபதிகள் எம்.எம். சுந்தரேஷ், அரவிந்த் குமார் அமர்வு முன் விசாரணைக்கு வந்தது.

இது தொடர்பாக விளக்கமளிக்க தற்போது ஊராட்சி மன்ற தலைவராக உள்ள பிரியதர்ஷினி, தமிழக தேர்தல் கமிஷனுக்கு நோட்டீஸ் அனுப்ப நீதிபதிகள் உத்தரவிட்டனர். விசாரணை டிச. 16க்கு ஒத்திவைக்கப்பட்டது.