தற்போது வாக்காளர் பட்டியலில் சிறப்பு தீவிர திருத்தப் பணி தமிழகத்தில் நடந்து வருகிறது. முதற் கட்டமாக வாக்காளர்களின் வீடுகளுக்கு ஓட்டுச்சாவடி அலுவலர் வந்து இரு கணக்கெடுப்பு படிவங்கள் தருகின்றனர். இதனால் உங்கள் ஏரியாவிற்கு, அதாவது நீங்கள் ஓட்டுப் பதிவு செய்யும் ஓட்டுச்சாவடியில் வாக்காளர்களை சந்திக்க வரும் ஓட்டுச்சாவடி அலுவலர் யார் என்பதை நீங்கள் தெரிந்து கொள்வது அவசியம்.

அதற்கு https://erolls.tn.gov.in/blo/ என்ற இணைய முகவரியில் சென்று, மாவட்டம், தொகுதி,ஓட்டுச்சாவடி விபரங்களை தேர்வு செய்தால் ஓட்டுச்சாவடி அலுவலரின் விபரங்கள் வருகின்றன. ஓ.சா.அலுவலரின் பெயர், தற்போதைய அரசு பணி, அலைபேசி எண் விபரங்கள் தரப்படுகிறது. மற்றொரு வழியாக 1950 என்ற எண்ணுக்கு அலைபேசியிலும் தெரிந்து கொள்ளலாம். அடுத்த சில நாட்களில் படிவங்கள் கிடைக்கப் பெறாத வாக்காளர்கள் இதனைப் பயன்படுத்தி படிவங்கள் பெற அவரிடம் தொடர்பு கொள்ளலாம்.

படிவங்களை பூர்த்தி செய்ய வாக்காளர் அடையாள அட்டை அவசியம். வாக்காளர் அட்டையைத் தொலைத்தவர்கள் தங்கள் விபரங்களைத் தெரிந்து கொள்ள https://electoralsearch.eci.gov.in/uesfmempmlkypo என்ற இணையதளத்தில் வாக்காளர் அட்டை எண் அல்லது அலைபேசி எண்ணை பதிவு செய்து தெரிந்து கொள்ளலாம்.