இந்தாண்டும் மழை எந்த அளவுக்கு இருக்குமோ என்ற கவலையில் விவசாயிகள் பலர் உழவுப் பணியில் ஆர்வம் காட்டாமல் தாமதப்படுத்தினர்.

இந்நிலையில் சில நாட்களாக மழை பெய்துவரும் நிலையில் வயல்களில் தண்ணீர் தேங்கியுள்ளது. இதனால் விவசாயிகள் மகிழ்ச்சியுடன் உழவுப் பணிகளை துவக்கியுள்ளனர். முன்கூட்டியே நாற்றுகளை வளர்த்து வைத்திருந்தவர்கள் நடவு பணிகளை மேற்கொண்டு வருகின்றனர்.

மற்றவர்கள் தாமதமாக இப்போதுதான் உழவுப் பணிகளை செய்து வருகின்றனர்.

வடகிழக்கு பருவமழை ஆரம்பமே திருப்தியாக இருக்கும் நிலையில், டிசம்பர் கடைசி வரை மழைக்கு வாய்ப்பு இருப்பதால் நம்பிக்கையுடன் விவசாய பணிகளை துவக்கி உள்ளனர்.