சிவகங்கை மாவட்ட விளையாட்டு அரங்கில், மாநில அளவிலான ஹாக்கி போட்டி 3 நாட்கள் நடைபெற்றது. தமிழக அளவில் பல்வேறு மாவட்டங்களை சேர்ந்த 22 அணி வீரர்கள் பங்கேற்றனர். நாக் அவுட் முறையில் நடந்த போட்டியின் இறுதி போட்டி நேற்று மாலை நடைபெற்றது.

இதில், கோவில்பட்டி எஸ்.எஸ்.டி.எம்., கல்லுாரி அணியும், காரைக்குடி தியான் ஸ்கூல் ஆப் ஹாக்கி அணியும் விளையாடின. இதில் 4:3 என்ற கோல் கணக்கில் கோவில்பட்டி அணியை காரைக்குடி அணி வென்று, முதலிடம் பிடித்தது. இப்போட்டியில் கோவில்பட்டி இரண்டாம் இடம், சிவகங்கை அணி மூன்றாம் இடம், கோவில்பட்டி பாண்டவர் மங்கலம் அணி 4வது இடத்தை பிடித்தனர். முதலிடம் பிடித்த அணிக்கு சிவகங்கை நகராட்சி தலைவர் துரைஆனந்த் வெற்றி கோப்பை வழங்கினார்.சிவகங்கை யங் சேலஞ்சர்ஸ் ஹாக்கி கிளப் நிர்வாகிகள் ஏற்பாட்டை செய்திருந்தனர்.