ஹிந்து அறநிலையத்துறைக்கு கீழ் உள்ள பிரசித்தி பெற்ற சிவகங்கை பிள்ளைவயல் காளியம்மன் கோயில் உபயதாரர்களால் புனரமைக்கப்பட்டது. இக்கோயில் கும்பாபிேஷகம் பிப்., 10 ம் தேதி நடைபெற உள்ளது. இதற்கான பூர்வாங்க பணிகள் நடைபெற்று வருகின்றன. நாளை (பிப்., 8) அதிகாலை 5:00 மணிக்கு அனுக்கை, விக்னேஸ்வர பூஜை, கணபதி ேஹாமத்துடன் கும்பாபிேஷக விழா துவங்குகிறது.

தொடர்ந்து முதல், இரண்டாம், மூன்றாம் கால யாகசாலை பூஜைகள் நடைபெறும். பிப்., 10 அன்று அதிகாலை 5:30 மணிக்கு மங்கள இசை, நான்காம் கால யாகசாலை பூஜைகள் நடைபெறும்.

யாத்ராதானம், கடம் புறப்பாட்டிற்கு பின் அன்று காலை 9:05 முதல் 10:25 மணிக்குள் சால கோபுரத்தில் புனித நீர் ஊற்றி கும்பாபிேஷகத்தை பிள்ளையார்பட்டி பிச்சை சிவாச்சாரியார், ராமசுப்பிரமணியராஜா நடத்தி வைக்கின்றனர்.

அதனை தொடர்ந்து பரிவார தெய்வங்களுக்கு அபிேஷக ஆராதனைகள் நடைபெறும். அன்று மாலை 5:00 மணிக்கு பிள்ளைவயல் காளியம்மன் திருவீதி உலா வருவார். இரவு வள்ளி திருமணம் நாடகம் நடைபெறும். யாகசாலை பூஜையின் போது திருமுறை பாராயணம் பாடப்படும். ஏற்பாட்டை அறங்காவலர் குழுவினர் செய்து வருகின்றனர்.