தளக்காவூரில் ஒய்.எம்.சி.ஏ., கத்தோலிக்க இளைஞர் மன்றம் மற்றும் சிங்கப்பூர் வாழ் நண்பர்கள் சார்பில் வடமாடு மஞ்சுவிரட்டு நடந்தது.

இதில், சிவகங்கை, புதுக்கோட்டை, மதுரை, ராமநாதபுரம் உள்ளிட்ட பல்வேறு பகுதிகளை சேர்ந்த காளைகள் கலந்து கொண்டன. ஒரு மாட்டிற்கு 9 வீரர்கள் என பல்வேறு பகுதிகளைச் சேர்ந்த 100 க்கும் மேற்பட்ட மாடுபிடி வீரர்கள் கலந்து கொண்டனர். மருத்துவ பரிசோதனைக்குப் பிறகே காளைகளும், மாடுபிடி வீரர்களும் அனுமதிக்கப்பட்டனர். போட்டியில் வெற்றி பெற்ற மாடுகளுக்கும், மாடுபிடி வீரர்களுக்கும் பரிசுகள் வழங்கப்பட்டது. 5க்கும் மேற்பட்டோர் காயமடைந்தனர்.