காரைக்குடியில் வருவாய் மாவட்ட அளவில் பள்ளி மாணவர்களுக்கான கையுந்து பந்து போட்டி நடந்தது.

14 வயதிற்குட்பட்டோர் பிரிவு போட்டி இறுதி ஆட்டத்தில் திருப்புவனம் வேலம்மாள் பள்ளி மாணவர்களுடன், சிவகங்கை ஆக்ஸ்வர்ட் மெட்ரிக் பள்ளி மாணவர்கள் விளையாடி, 25:21, 25:19 என்ற நேர் செட் கணக்கில் சிவகங்கை ஆக்ஸ்வர்ட் பள்ளி மாணவர்கள் வெற்றி பெற்றனர். டிசம்பரில் ராணிப்பேட்டையில் நடக்க உள்ள மாநில போட்டியில் பங்கேற்க தகுதி பெற்றுள்ளனர்.

மாணவர்களை பள்ளியின் மீனா, முதல்வர் லதா, பயிற்சியாளர் சதீஷ்குமார் பாராட்டினர்.