இதற்காக வாணியங்குடி ஊராட்சியில் வார்டு எண் 2 மற்றும் 7 தவிர 14.37 சதுர கிலோ மீட்டர் பரப்பளவில் உள்ள 22,652 பேரை சிவகங்கையுடன் இணைக்க முடிவு செய்துள்ளனர்.

அதே போன்று காஞ்சிரங்கால் ஊராட்சியில் 10 உட்கடை கிராமங்களில் உள்ள 8.60 சதுர கிலோ மீட்டர் பரப்பை, 12,219 மக்கள் தொகையுடன் இணைக்க உள்ளனர். இதற்கு இரு ஊராட்சி மக்களிடம் எதிர்ப்பு கிளம்பியுள்ளது.

நேற்று காலை கலெக்டர் அலுவலகம் முன் வாணியங்குடி ஊராட்சியை நகராட்சியுடன் இணைப்பதற்கு எதிர்ப்பு தெரிவித்து ஆர்ப்பாட்டத்தில் மக்கள் ஈடுபட்டனர்.