ராமநாதபுரம் மாவட்டம் பாம்பன்,ராமேஸ்வரம் இடையே கடல் பகுதியில் புதிதாக கட்டப்பட்ட பாம்பன் பாலத்தின் திறப்பு விழா ஏப்.6ம் தேதி நடைபெற உள்ளது. பிரதமர் மோடி திறந்து வைக்க உள்ளார். கடந்த சில நாட்களாக மதுரையிலிருந்து ராமேஸ்வரம் செல்லும் ரயில் பாதையில் பராமரிப்பு பணிகள் மேற்கொள்ளப்பட்டு வருகின்றன.

மேலும் ரயில் பாதைகளில் விபத்து ஏற்பட்டால் மீட்பு பணிகளை மேற்கொள்ளவும், விபத்திற்கான காரணம் கண்டறியவும், தனி ரயில் பாதை பராமரிப்பு மற்றும் மீட்பு பணி ரயிலை கொண்டு நேற்று மதுரையிலிருந்து மானாமதுரை ரயில்வே ஸ்டேஷன் வரையிலும், விருதுநகர் ரயில்வே பாதைகளிலும் ரயில்வே அதிகாரிகள் ஆய்வு செய்தனர்.

மானாமதுரை ரயில்வே ஸ்டேஷனில் சேதமடைந்த கட்டடங்கள் மற்றும் பிளாட்பாரங்களை சரி செய்து வர்ணம் பூசும் பணியில் ஊழியர்கள் ஈடுபட்டு வருகின்றனர்.