சிவகங்கை: சிவகங்கை தலைமை தபால் நிலையம் முன் நடந்த ஆர்ப்பாட்டத்திற்கு அகில இந்திய புறநிலை ஊழியர் சங்க கோட்ட தலைவர் செல்வன் தலைமை வகித்தார். எழுத்தர் சங்க கோட்ட தலைவர் நாகலிங்கம், செயலர் மாதவன் முன்னிலை வகித்தனர். அகில இந்திய புறநிலை ஊழியர் சங்க கோட்ட செயலாளர் தமிழ்வாணன் கோரிக்கைகளை விளக்கி பேசினார். எட்டாவது சம்பளக்குழுவில் ஜி.டி.எஸ்., ஊழியர்களை சேர்க்க தனி சம்பள குழுவை அமைக்க வேண்டும். பென்ஷன் , பணிக்கொடை, மருத்துவ வசதிகளை வழங்க வேண்டும். கோட்ட அளவில் ஊழியர் சார்ந்த நலன் கோரிக்கைகளுக்கு தீர்வு காண வேண்டும் என்பதை வலியுறுத்தி ஆர்ப்பாட்டம் நடந்தது.