ஆண்டுதோறும் மாட்டுப் பொங்கல் அன்று சிங்கம்புணரியில் மஞ்சுவிரட்டு நடத்தப்படுவது வழக்கம். நேற்றும் மதியம் 12:00 மணி முதல் கடைவீதியில் கட்டு மாடுகள் அவிழ்க்கப்பட்டன.

மதியம் 2:30 மணிக்கு தொழுவிலிருந்து சேவுகப்பெருமாள் கோயில் மாடுகள் விடப்பட்டன. இம்மாடுகளை வீரர்களும், பார்வையாளர்களும் தொட்டு வணங்கினர். மற்ற மாடுகளை அடக்க முயன்றனர். பெரும்பாலான காளைகள் பிடிபடாமல் வெளியேறின. இதேபோல் காளாப்பூர், சூரக்குடி, பிரான்மலை, முறையூர், எஸ்.எஸ்.கோட்டையில் மஞ்சுவிரட்டு நடந்தது.