சிவகங்கை ஊராட்சி ஒன்றியத்தின் கீழ் சக்கந்தி ஊராட்சியில் சக்கந்தி மில்கேட், அசிசிநகர், ஒண்டுப்புலி நகர், முடிகண்டன் ஊராட்சியில் மட்டாகுளம், மானாகுடி பிரிவு, பாசாங்கரை, மீனாட்சிபுரம் விலக்கு, உடையநாதபுரம் வழியாக மதுரை -தொண்டி ரோட்டில் உள்ள கரும்பாவூர் விலக்கு வரை 6 கி.மீ., துாரத்திற்கு கிராமப்புற ரோடு செல்கின்றன. இந்த ரோடு வழியாக தான் கிராமங்களுக்கு டவுன் பஸ்கள், பள்ளி வாகனங்கள், விவசாயிகளின் டிராக்டர் மற்றும் டூவீலர்கள் அதிகளவில் சென்று வருகின்றன.

கிராமங்களை இணைக்கும் சக்கந்தி மில்கேட் முதல் கரும்பாவூர் வரையிலான இந்த ரோடு 3 மீட்டர் அகலத்தில் மட்டுமே போட்டுள்ளனர். வாகனங்கள் செல்வதில் சிரமம் ஏற்படுகிறது. குறிப்பாக மானாகுடி கண்மாய் கரையில் இருந்து பாசாங்கரை வரை தார்ரோடு போக்குவரத்திற்கு லாயக்கற்ற நிலையில் குண்டும் குழியுமாக காணப்படுகிறது.

எனவே கிராமங்களை இணைக்கும் 6 கி.மீ., துார ரோட்டின் அகலத்தை அகலப்படுத்தி கொடுக்க வேண்டும் என கிராம மக்கள் கலெக்டர் பொற்கொடியிடம் மனு அளித்தனர்.