காரைக்குடி செக்காலை ஜான் ஜோசப் 70. இவர் வேளாண் துறையில் பணியாற்றி ஓய்வில் உள்ளார். நவ.20ல் இவரது அலைபேசிக்கு ஒருவர் பேசியுள்ளார். அவர் தன்னை சி.பி.ஐ., அதிகாரியாக அறிமுகம் செய்து கொண்டார். ஜான்ஜோசப்பிடம் அவரது வங்கி கணக்கில் தவறான பரிவர்த்தனை நடந்துள்ளதாகவும் அதற்கு அவரை டிஜிட்டல் அரஸ்ட் செய்வதாகவும் மிரட்டியுள்ளார். அதை நம்பிய ஜான்ஜோசப் அவர் கூறிய வங்கி கணக்கிற்கு ரூ.5 லட்சம் அனுப்பியுள்ளார். பணம் அனுப்பிய பிறகுதான் தான் ஏமாற்றப்பட்டதை உணர்ந்த ஜான்ஜோசப் சைபர் கிரைம் போலீசில் புகார் அளித்தார்.

இளைஞரிடம் ரூ.14 லட்சம் மோசடி காரைக்குடி காட்டுத்தலைவாசல் பகுதியை சேர்ந்தவர் முத்துமுகமது 24. இவரது வாட்ஸ் ஆப் எண்ணிற்கு கிரிப்டோகரன்சியில் முதலீடு செய்தால் அதிகம் லாபம் தருவதாக ஒரு விளம்பரம் வந்துள்ளது. அதை நம்பிய முத்துமுகமது அந்த விளம்பரத்தில் உள்ள எண்ணை தொடர்பு கொண்டார். அவர் கூறியதை நம்பியவர் ரூ.14 லட்சம் முதலீடு செய்தார். முதலீடு செய்ததற்கான லாபத்தொகை கிடைக்கவில்லை. முத்துமுகமது புகாரில் சைபர் கிரைம் போலீசார் விசாரிக்கின்றனர்.