சிவகங்கை:மகளிர் சுய உதவி குழுவினருக்கு 'விபர கையேடு' வழங்காததால், அவர்கள் வங்கிகளை ஏமாற்றி கடன் பெறும் சூழல் ஏற்பட்டுள்ளது. மகளிர் மேம்பாட்டு நிறுவனத்தின் கீழ் மகளிர் சுய உதவி குழுவிற்கு வங்கிகள் மூலம் கடன் வழங்கப்படுகிறது. கந்து வட்டி கும்பலிடம் இருந்து இவர்களை பாதுகாக்க குழுக்களை அமைத்து சுழல்நிதி வழங்கினால், அவர்களது சமூக பொருளாதாரம் உயரும் என்ற நோக்கத்தில் கொண்டுவரப்பட்டது.அரசு பரிந்துரையின்படி, வங்கிகள் மூலம் வழங்கப்படும் கடன்களை முறையாக திருப்பி செலுத்தினாலும் ஒரு வங்கியில் கடன் பெற்ற குழுவினர், அதை மறைத்து மற்ற வங்கி கிளையில் கடன் பெறுகின்றனர்.