மாணவர்களின் கல்வி நலன் கருதி கற்பித்தல் பணிபாதிக்கக் கூடாது என்பதை கருத்தில் கொண்டு 2022--23ஆம் கல்வியாண்டு முதல் அரசு, அரசு நிதி உதவி பெறும் பள்ளிகளில் பணிபுரியும் ஆசிரியர்களுக்கு கல்வியாண்டின் கடைசி வேலை நாள் வரை தேவைப்படும் ஆசிரியர்களுக்கு மறுநியமனம் வழங்க அரசு அனுமதி அளித்து ஆணையிட்டுள்ளது.

இதன் அடிப்படையில் கல்வி ஆண்டின் இடையில் ஓய்வு பெறும் ஆசிரியர்களுக்கு அரசு விதிகளின்படி மருத்துவ தகுதிச்சான்றின் அடிப்படையில் கல்வி ஆண்டின் இறுதி வரை மே 31 வரை மாணவர்கள் கல்வி நலன் பாதிக்கக்கூடாது என்பதற்காக பணி நீடிப்பு வழங்கப்படுகிறது. இந்த நடைமுறை மாநிலம் முழுவதும் உள்ளது.

ஆனால் சிவகங்கை மாவட்டக் கல்வி அலுவலகத்தில் பள்ளி கடைசி வேலை நாள் ஏப்.30 என்பதால் ஆசிரியர்கள் குழப்பத்தில் உள்ளார்கள். ஏப்.2022ஆம் ஆண்டு அரசாணையை தவறாக புரிந்து கொண்டு ஏப்.30 அன்று பணி விடுவிக்கப்பட வேண்டும் என்று கூறுகிறார்கள். எனவே தொடக்கக்கல்வி இயக்குனர் அவர்களின் வழிகாட்டுதலின்படி பணி நீட்டிப்பு தேதியினை மே 31 என உறுதி செய்து ஆசிரியர்களின் குழப்பத்தைப் போக்க வேண்டும் என வலியுறுத்துகின்றனர்.