திருப்புத்துார் நகரில் முன்பிருந்த கோட்டையில் கிழக்கு திசையில் கோட்டைக்கருப்பர் கோயில் அமைந்துள்ளது. தற்போது கோட்டைக்கருப்பர் கோயிலில் திருப்பணிகள் நடந்து பிப்.21 ல் கும்பாபிேஷகம் நடைபெற உள்ளது.

அதை முன்னிட்டு இன்று அதிகாலை பூர்வாங்க பூஜை துவங்கி, காலை 9:00 மணிக்கு வாஸ்துசாந்தி நடைபெறும்.

பின்னர் மாலை 4:00 மணிக்கு கலசங்கள் யாகசாலையில் பிரதிஷ்டை செய்யப்படும். தொடர்ந்து இரவு 7:00 மணிக்கு முதற்காலயாகசாலை பூஜை துவங்கும்.

நாளை காலை 7:00 மணிக்கு இரண்டாம் காலயாக பூஜை, மாலை 4:00 மணிக்கு மூன்றாம் கால யாகபூஜை நடைபெறும்.

பிப்.20ல் காலை 8:00 மணிக்கு நான்காம் காலயாகபூஜை, மாலை 5:30 மணிக்கு ஐந்தாம் கால யாகபூஜை நடைபெறும். பிப்.21 காலை 6:00 மணிக்கு 6ம் காலயாக பூஜை துவங்கி பூர்ணாகுதி தீபாராதனை நடைபெறும். பின்னர் கலசங்கள் புறப்பாடாகி காலை 9:00 மணிக்கு மேல் காலை 10:00 மணிக்குள் விமான,மூலமூர்த்திகளுக்கு கும்பாபிேஷகம் நடைபெறும். ஏற்பாட்டினை அறங்காவலர் எஸ்.வயிரவன் தலைமையில் திருப்பணிக்குழுவினர் செய்கின்றனர்.