மானாமதுரை வாரச்சந்தையில் மதுரை, திருப்புவனம்,திருப்பாச்சேத்தி, இளையான்குடி, சிவகங்கை,பரமக்குடி உள்ளிட்ட பல்வேறு ஊர்களிலிருந்து 300க்கும் மேற்பட்ட வியாபாரிகள் வந்து பல்வேறு பொருட்களை வியாபாரம் செய்து வருகின்றனர்.

நேற்று நடைபெற்ற வாரச்சந்தையில் தக்காளி விலையில் தொடர்ந்து சரிவு ஏற்பட்டதால் 5 கிலோ ரூ. 10க்கும், சின்ன வெங்காயம் ரூ. 80, பெரிய வெங்காயம் ரூ.50, கத்தரிக்காய் ரூ.80, கேரட், முள்ளங்கி, சவ்சவ் ரூ.80, பச்சை மிளகாய்ரூ.80, பட்டர் பீன்ஸ்,சோயா பீன்ஸ் ரூ.140, சின்னப்பாகற்காய் ரூ.200, உருளைக்கிழங்கு ரூ.50 என விற்பனையானது.

வியாபாரிகள் கூறியதாவது:

கடந்த இரண்டு மூன்று வாரங்களாக காய்கறிகளின் விலை சற்று குறைந்து வருகிறது. வரும் வாரங்களில் வரத்து அதிகரிக்கும் என நம்பப்படுவதால் மேலும் விலை குறைய வாய்ப்புஉள்ளது என்றனர்.