அப்போது கேரளாவில் இருந்து கனிம வளம் ஏற்ற, சுரண்டை நோக்கி சென்ற லாரி பஸ் மீது திடீரென மோதியது. இதில், பஸ் ரோட்டில் கவிழ்ந்தது. பயணியர் இடிபாடுகளுக்குள் சிக்கிக் கொண்டனர்.

சிவராமபேட்டையை சேர்ந்த மாரித்துரை மனைவி அழகு சுந்தரி, 35, சங்கரன்கோவில் லட்சுமியாபுரத்தைச் சேர்ந்த மாரிமுத்து மனைவி செல்வி, 55, சம்பவ இடத்திலேயே இறந்தனர்.

போக்குவரத்து இன்ஸ்பெக்டர் மணி உள்ளிட்ட போலீசார் மீட்புப் பணிகளில் ஈடுபட்டனர். இதில் அழகுசுந்தரியின் 4 வயது மகன் அக் ஷய பாலா சிகிச்சைக்கு துாக்கிச் செல்லும் வழியில் இறந்தார்.

பஸ் டிரைவர் விக்னேஷ் உள்ளிட்ட 15 பேர் காயமடைந்தனர். அவர்கள் தென்காசி அரசு மருத்துவமனையில் அனுமதிக்கப்பட்டனர். சம்பவ இடத்தில் போக்குவரத்து பாதிக்கப்பட்டது.

கலெக்டர் கமல் கிஷோர் மீட்பு பணிகளை பார்வையிட்டார்; தனியார் பஸ் மீட்கப்பட்டது.