தென்காசி:தென்காசி மாவட்டம் சுந்தரபாண்டியபுரம் அருகே திருச்சிற்றம்பலத்தைச் சேர்ந்த விவசாய பெண் கூலி தொழிலாளர்கள் 12 பேர், சுரண்டை அருகே வாடியூரில் நடக்கும் விவசாய பணிக்காக லோடு ஆட்டோவில் அழைத்துச் செல்லப்பட்டனர். தேவேந்திரன் 25, ஆட்டோவை ஓட்டினார். வாடியூர் அருகே ஒரு வளைவில் ஆட்டோ கவிழ்ந்தது. இதில் ஜானகி 52, வள்ளியம்மாள் 60, பிச்சி 60 ஆகிய மூன்று பெண்கள் சம்பவ இடத்திலேயே பலியாயினர். தேவேந்திரன் உட்பட பத்துக்கும் மேற்பட்டவர்கள் காயமுற்றனர். சுரண்டை போலீசார் மீட்பு பணிகளில் ஈடுபட்டனர்.