தேனியில் கார் எரிப்பு

போலீஸ் விசாரணை

தேனி: தேனி பெரியகுளம் ரோட்டில் உள்ள கூரியர் ஆபீஸ் தெரு தைலா ஜேம்ஸ். இவர் போதை மறுவாழ்வு மையத்தை நடத்தி வருகிறார். நேற்று அதிகாலை 2:30 மணிக்கு வீட்டிற்கு வெளியே டயர் வெடிக்கு சப்தம் கேட்டு வெளியே வந்தனர். அப்போது தங்களது கார் எரிந்து கொண்டிருந்தது. தீயணைப்புத்துறையினருக்கு தகவல் அளித்து தீ அணைக்கப்பட்டது. பாதிக்கப்பட்ட தைலாஜேம்ஸ் தேனி போலீசில் புகார் அளித்தார். போலீசார் விசாரித்து வருகிறார்.

பெண் தற்கொலை

பெரியகுளம்: பெரியகுளம் அருகே வடுகபட்டி நாயக்கர் தெருவை சேர்ந்தவர் பகவதிராஜ் 30. இவரது மனைவி புஷ்பவதி 26. இவர்களுக்கு 2020ல் திருமணம் நடந்தது. மூன்று வயதில் ஒரு ஆண் குழந்தை உள்ளது. இந்நிலையில் வீட்டில் புஷ்பவதி தூக்கிட்டு தற்கொலை செய்து கொண்டார். தென்கரை போலீசார் விசாரிக்கின்றனர்.

--ஆடுகள் திருட்டு

தேனி: மாணிக்காபுரம் வடக்குத்தெரு ராஜா 47. உப்புக்கோட்டை - டொம்புச்சேரி ரோட்டில் உள்ள விநாயகர் கோயில் அருகே ஆடுகள் வளர்த்து வந்தார். இவர் ஆக., 7 ல் தனது வீட்டின் முன் உள்ள கொட்டகையில் 5 ஆடுகளை அடைத்துவிட்டு, வீட்டிற்குள் சென்று துாங்கினார். நள்ளிரவில் ஆடுகளுக்கு தண்ணீர் வைப்பதற்காக பார்த்தபோது 5 ஆடுகளும் காணவில்லை. இதன் மதிப்பு ரூ.20 ஆயிரம். வீரபாண்டி போலீசில் புகார் அளித்தார். எஸ்.ஐ., அசோக் விசாரிக்கிறார்.

லாட்டரி விற்றவர் கைது

போடி: போடி சுந்தரபாண்டியன் தெருவை சேர்ந்தவர் கருப்பையா 55. இவர் தடை செய்யப்பட்ட கேரளா லாட்டரி சீட்டுகளை விற்பனை செய்வதற்காக வைத்து இருந்தார். போடி டவுன் போலீசார் கருப்பையாவை கைது செய்து அவரிடம் இருந்து 12 லாட்டரி சீட்டுகள், விற்பனை செய்து வைத்திருந்த ரூ.2200 யை பறிமுதல் செய்தனர்.