ஆண்டிபட்டி : ஆண்டிபட்டி ஒன்றியம், எஸ்.எஸ்.புரத்திலிருந்து ஜம்புலிப்புத்தூர் கண்மாய்க்கரை வழியாக ரங்கசமுத்திரம் செல்லும் ரோடு சேதம் அடைந்துள்ளது. கடந்த பல ஆண்டுக்கு முன் அமைக்கப்பட்ட இந்த ரோட்டை ரங்கசமுத்திரம், நாச்சியார்புரம், ஜம்புலிப்புத்தூர், அருப்புக்கோட்டைநாயக்கன்பட்டி, லட்சுமிபுரம், முத்துகிருஷ்ணாபுரம் கிராம மக்கள் தேனி செல்வதற்கு இணைப்பு ரோடாக பயன்படுத்தி வருகின்றனர். வாகனங்களில் விளை பொருட்களை கொண்டு செல்லவும் விவசாயிகள் பயன்படுத்தி வருகின்றனர்.