ஆண்டிபட்டி -பெரியகுளம் ரோட்டில் ஸ்ரீரங்காபுரம் உள்ளது. இங்கு வைகை அணை ரோட்டில் தி.மு.க., கொடிக்கம்பம் இருந்தது. நேற்று முன் தினம் இரவில் யாரோ மர்ம நபர்கள் கொடி கம்பத்தில் இருந்த தி.மு.க., கொடியை இறக்கி கீழே போட்டு தீ வைத்து எரித்துள்ளனர். இதுகுறித்து தி.மு.க., கிளை செயலாளர் மனோகரன் புகாரில் வைகை அணை போலீசார் கொடியை எரித்தவர்கள் குறித்து விசாரித்து வருகின்றனர். இரண்டு ஆண்டுகளுக்கு முன் இதேபோல் மர்மநபர்கள் தி.மு.க., கொடியை எரித்தனர்.