சின்னமனூர் சிவகாமியம்மன் உடனுறை பூலாநந்தீஸ்வரர் கோயில் ஆயிரம் ஆண்டு பழமையான கோயிலாகும்.

கடந்த சில ஆண்டுகளாக திருப்பணிகள் செய்து, நாளை காலை 9:00 முதல் 10:00 மணிக்குள் கும்பாபிஷேகம் நடைபெற உள்ளது.

கும்பாபிஷேகத்தை முன்னிட்டு கோயிலிற்கு வெளியே மார்க்கையன்கோட்டை ரோட்டில் இரண்டு இடங்களிலும், நகருக்குள் 3 இடங்களிலும் அன்னதானம் நடைபெறுகிறது.

அன்னதானம் நடைபெறும் இடங்களையும், அன்னதானத்தில் வழங்கும் உணவையும் ஆய்வு செய்து, உணவின் தரத்தை உறுதி செய்ய வேண்டும் என்று சின்னமனூர் உணவு பாதுகாப்பு துறை அதிகாரி சுரேசுக்கு , கோயில் செயல் அலுவலர் நதியா கடிதம் அளித்துள்ளார். ஆயிரக்கணக்கில் பொதுமக்கள் கூடுவார்கள் என்பதால் இந்த முன்னெச்சரிக்கை நடவடிக்கை எடுக்கப்பட்டுள்ளதாக ஹிந்து சமய அறநிலையத்துறை வட்டாரங்கள் கூறுகின்றன.