கம்பத்தில் கருணாநிதியின் படத்திற்கு எம்.எல்.ஏ. ராமகிருஷ்ணன் தலைமையில் தி.மு.க. வினர் மலர் தூவி மரியாதை செலுத்தினர். மருத்துவமனையில் நோயாளிகளுக்கு பிஸ்கட், பழங்கள், அன்னதானம் வழங்கப்பட்டது. நகர் செயலாளர்கள் பால்பாண்டி ராஜா, வீரபாண்டியன் பங்கேற்றனர்.

க.புதுப்பட்டியில் கருணாநிதி பிறந்தநாள் கொண்டாடப்பட்டது. எம்.எல்.ஏ. ராமகிருஷ்ணன் தலைமையில் பேரூராட்சி தலைவர் சுந்தரி, அயலக அணி மாவட்ட அமைப்பாளர் ரவி, பேரூர் செயலாளர் பார்த்திபன் பங்கேற்றனர்.

சின்னமனூரில் நகராட்சி தலைவர் அய்யம்மாள், நகர் செயலாளர் முத்துக்குமார் உள்ளிட்ட பலர் கருணாநிதி படத்திற்கு மாலை அணிவித்து இனிப்பு வழங்கினர். உத்தமபாளையத்தில் பேரூராட்சி தலைவர் காசிம் தலைமையில் கருணாநிதி பிறந்தநாள் விழா கொண்டாடப்பட்டது.

போடி: கருணாநிதி பிறந்த நாள் விழா தி.மு.க., நகர செயலாளர் புருஷோத்தமன் தலைமையில் நடந்தது.

வடக்கு மாவட்ட செயலாளர் தங்க தமிழ்ச்செல்வன் கருணாநிதி படத்திற்கு மரியாதை செய்து பொதுமக்களுக்கு பிரியாணி வழங்கினார்.

நகராட்சி தலைவர் ராஜராஜேஸ்வரி உட்பட பலர் கலந்து கொண்டனர்.

தர்மத்துப்பட்டியில் மேற்கு ஒன்றிய செயலாளர் லட்சுமணன் தலைமையில் நடந்தது. வடக்கு மாவட்ட செயலாளர் தங்கத்தமிழ் செல்வன் நலத்திட்ட உதவிகளை வழங்கினார். மேலச்சொக்கநாதபுரம் பேரூராட்சி தலைவர் கண்ணன் காளிராமசாமி, கிழக்கு ஒன்றிய செயலாளர் அய்யப்பன், வடக்கு மாவட்ட இளைஞரணி அமைப்பாளர் ஆஜிப்கான் உட்பட பலர் கலந்து கொண்டனர்.

பெரியகுளம்: -மாவட்ட அரசு மருத்துவமனைல் மனநலம் மருத்துவப் பிரிவில் சிகிச்சை பெறுபவர்களுக்கு எம்.எல்.ஏ.,சரவணக்குமார் உணவு வழங்கினார். மாவட்ட அவைத்தலைவர் செல்லப்பாண்டியன், நகர செயலாளர் முகமது இலியாஸ், நகராட்சி தலைவர் சுமிதா உட்பட நிர்வாகிகள் பங்கேற்றனர்.

பெரியகுளம் அருகே எ.புதுப்பட்டி அரசு ஆரம்ப சுகாதார நிலையத்திற்கு மாநில உயர்நிலை செயல்திட்ட குழு உறுப்பினர் மூக்கையா, குடிநீர் சுத்திகரிப்பு தொட்டி வழங்கினார்.

வடக்கு ஒன்றிய செயலாளர் பாண்டியன் நிர்வாகிகள் பங்கேற்றனர்.