வட புதுப்பட்டி முனியாண்டி சுவாமி கோவில் தெரு பிரேமா, 37, என்பவரிடம், மணிகண்டன் மற்றும் பணியாளர்கள், 'எங்கள் நிதி நிறுவனத்தில் முதலீடு செய்தால் கூடுதல் லாபம் தரப்படும்' என்றனர். அதை நம்பி பிரேமா, பல தவணைகளாக, 73.50 லட்சம் ரூபாயை முதலீடு செய்தார்.

முதிர்வு காலம் முடிந்து, பணத்தை பிரேமா திரும்ப கேட்ட போது, மணிகண்டன் கொலை மிரட்டல் விடுத்தார் என கூறப்படுகிறது. பிரேமா மாவட்ட குற்றப்பிரிவு போலீசில் புகார் அளித்தார்.

அந்த மோசடி நிறுவனம், மேலும் ஏழு பேரிடம் வேலை தருவதாக கூறி, டிபாசிட்டாக 26 லட்சம் ரூபாயை வாங்கியது. இவ்வாறு, 99.50 லட்சம் ரூபாயை நிறுவனம் மோசடி செய்தது போலீஸ் விசாரணையில் தெரிந்தது.

இதுதொடர்பாக இயக்குனர்கள் உள்ளிட்ட எட்டு பேர் மீது வழக்கு பதிவு செய்யப்பட்டது. மணிகண்டன் ஜூன் 23ல் கைது செய்யப்பட்டார். நேற்று நிறுவன இயக்குனர் தனபாலை, போலீசார் கைது செய்தனர்.