போடி: போடி பகுதியில் நேற்று மதியம் பலத்த காற்று, மின்னலுடன் கன மழை பெய்தது. போடி பகுதியில் சில நாட்களாக வெயிலின் தாக்கம் அதிகரித்து காணப்பட்டது. இந்நிலையில் நேற்று மதியம் 3:00 மணிக்கு போடி, குரங்கணி, கொட்டகுடி, சிலமலை, சூலப்புரம் உள்ளிட்ட பகுதியில் இடியுடன் பெய்த கன மழையால் வறண்டு கிடந்த பூமி குளிர்ச்சி அடைந்தது. போடி காமராஜ் பஜார், போஜன் பார்க் உள்ளிட்ட மெயின் ரோட்டில் மழை நீர் ஓடை போல பெருக்கெடுத்து சென்றது. குரங்கணி மலை பகுதியில் பெய்த மழையால் கொட்டகுடி ஆற்று பகுதியில் நீர் வர துவங்கியது. மதியம் 3.45 மணி வரை மழை நீடித்ததால் விவசாயிகள் மகிழ்ச்சி அடைந்தனர். பெரியகுளம், தேனி பகுதியிலும் பரவலாக மழை பெய்தது.